VI TORNEO DE XADREZ DANI DA ROCHA PROL (XII CIRCUITO GALEGO XADREZ PROMOCIÓN)

¡INSCRIPCIÓN PECHADA!

COMPROBA A TUA INSCRICIÓN

VI TORNEO DE XADREZ DANI DA ROCHA PROL

¡INSCRIPCIÓN PECHADA!

 Xa están chegando os primeiros regalos para o fantástico sorteo final entre tódol@s xadrecistas participantes.

A ti, cal che gusta máis?

Se non che convence ningún, non te preocupes que temos moitos máis...

Ven xogar ao xadrez a Nigrán...   

II Torneo Vila de Noia 2017

1º de Maio de 2017, dá comezo o XII Circuíto Galego de Xadrez Promoción 2017 co II Torneo Vila de Noia, onde un ano máis volve haber participación do Club Xadrez Laroca.

Nesta ocasión son dóus laroqueiros e unha laroqueira os que participan na categoría sub-14. 

Artai Bringas Gomez inicia a súa participación no primeiro posto do ránking incial.

Ana Fernández Carneiro no posto 13 do ránking inicial é a segunda nena despois da súa amiga Paula Quintas. 

Mauro Sanromán Costas desde o posto 20 inicial en busca de mellorar este posto na clasificación final.

Última xornada da Liga Galega de xadrez 2017

Liga Galega 2017

Onte, 29 de abril de 2017, rematou a liga galega de xadrez 2017 e este foi un día grande para os laroqueiros e laroqueiras. Os nosos equipos culminaron unha excelente tempada. Dous importantísimas vitorias en segunda dívisión grupo E, co ascenso e o descenso en xogo, e unha derrota en primeira grupo C, onde non nos xogabamos nada, foron o remate da participación Laroqueira nesta liga.

Resultados da 11ª xornada:

LAROCA-NIGRAN A	0,5 - 3,5	XADREZ TUI-XADREZ GALEGO A
LAROCA-NIGRAN B	2,5 - 1,5	CLUB XADREZ MOS B
EXP ZONA INFORMATICA	0,5 - 3,5	LAROCA-NIGRAN C

Finalizada esta última xornada o resultado de Laroca nesta liga pódese dicir que foi frutífero, polo que estamos moi satisfeitos do traballo realizado polos nosos deportistas. 

En primeira, o LAROCA A, tivo unha competición tranquila e sen sobresaltos, manténdose sempre nos postos de cabeza. Tres vitorias e 3 empates na primeira fase da liga déronlle a tranquilidade necesaria para afrontar a segunda fase con garantía. O obxectivo inicial era manter a categoría e logrouse con fartura.

En segunda, o LAROCA C na primeira fase parecía estar abonado ao empate pero na segunda as tornas cambiaron e, sobretodo, as catro vitorias consecutivas na recta final situáronnos no segundo posto a só 0,5 puntos do primeiro e por tanto do ascenso. Unha xenial tempada que excede con fartura os obxectivos iniciais, mantendo ata o último minuto as posibilidades de ascenso a primeira.

Tamén en segunda, o LAROCA B conseguiu alcanzar o obxectivo inicial da permanencia, cunha última xornada de infarto na que se atopaban catro equipos con 1 punto de diferenza co último posto de descenso en xogo. O noso equipo dependía de se mesmo e conseguiu a vitoria que precisaba e por tanto manterse un ano máis en segunda.

10ª xornada de liga

Liga Galega Xadrez 2017. 10ª xornada

A penúltima xornada da liga galega de xadrez 2017 segue a manter as espadas en alto para os tres equipos de LAROCA que quedan en competición.

A falta da última xornada, o vindeiro sábado, seguen existindo opcións de ascenso para o LAROCA C en segunda división, o LAROCA A ten practicamente garantida como mínimo a cuarta posición en primeira e o LAROCA B dependerá de se mesmo para conseguir manterse en segunda.

______________________________________________________________________________

Resultados dos nosos equipos na 10ª xornada (22/04/17):

AJEDREZ MARCOTE	2 - 2	LAROCA-NIGRAN A
XADREZ ALTAMIRA	2 - 2	LAROCA-NIGRAN B
LAROCA-NIGRAN C	3'5 - 0'5	CXF - MESON DERBY

______________________________________________________________________________

O Club Xadrez Laroca tamén estivo en Padrón

Mireya Represa, David Represa e Ana Fernández

Campionatos Galegos Semana Santa 2017 (Categorías: sub-08, sub-12, sub-16, Abosoluta, Feminina e Veterana), no Hotel Scala de Padrón desde o sábado 8 ao venres 14 de abril de 2017.

A participación do noso club nestes campionatos estaba composta por David Represa Pérez en Sub-12, Ana Fernández Carneiro en Sub- 16 e Mireya Represa Pérez en Absoluta. Todos eles participaban en categoría superior á súa.

Rematada a fase final de cuarta división

 Así comezou a fase final da Cuarta División Pontevedra Sur da liga Galega de xadrez 2017

Así rematou esta fase final, con diversión festa e son de globos explotando por todas partes.

Artai e Ana, dous valores de futuro na II Gala do Deporte de Gondomar

Na II Gala do Deporte do Concello de Gondomar, resultaron premiados dous deportistas do noso Club Xadrez Laroca. Esta vez foron Ana Fernández Carneiro en feminino, que repite por segundo ano, e Artai Bringas Gómez en masculino.

3 victorias e 2 derrotas na 9ª xornada de liga

Xornada novena na liga galega de xadrez. Xornada dispar para os equipos do Xadrez Laroca Nigran.  Tres vitoria (Laroca A, Laroca C e IES Auga dá laxe) e dúas derrotas ( Laroca B, Mallon) resultado final.

En terceira división esta era a última xornada e os nosos remataron tamén a sua participación. O IES Auga dá Laxe rematou no terceiro posto da clasificación xeral con 22,5 puntos e a dous do segundo posto que dá dereito ao ascenso. A vitoria de hoxe por 4-0 ante o Mos C non foi suficiente para lograr o tan ansiado ascenso. Doutra banda o Mallón non foi capaz de dobregar ao Bouzas B. Cun equipo mermado en efectivos Juan, Agustín e Mauro conseguiron un punto que os sitúa na clasificación final no quinto posto.

De todos os xeitos esta foi a primeira experiencia en liga dos nosos campións e campioas, acompañados por Jose Manuel, Pombo, Juan e Agustín, e seguro  que o próximo ano volverán tentalo. O noso parabén a Pablo, Ana, Hugo, Laura, Osian, Constantino, Mauro, Matías e os ascendidos de cuarta Guillermo, Sara, David, Adrián e Iago; todos eles e elas grandes campións que seguro que acabarán dándonos grandes alegrías no futuro.

Fase final liga de cuarta

Xa están preparados os emparellamentos para a fase final de Cuarta División da liga Galega de Xadrez Pontevedra Sur 2017 que terá lugar o vindeiro domingo día 2 nas instalacións do IES Auga dá Laxe de Gondomar. Tras a eliminatoria, o pasado domingo, os oito equipos clasificados enfrontaranse entre si co obxectivo de alzarse coa vitoria final.

O club xadrez Laroca volveremos preparar as instalacións para que os xogadores e xogadoras e os seus acompañantes atopen o ambiente máis agradable posible e gocen dunha tarde intensa e chea de emoción. Recibiremos aos pequenos-grandes xogadores e xogadoras e faremos todo o posible para que nada falle e poidan gozar.

Cuarta división Liga Galega de Xadrez 2017

Así comeza a fase inicial Pontevedra Sur de cuarta división da liga galega de xadrez 2017. Este ano o Club de xadrez Laroca aceptamos o reto de organizalo e nas instalacións do IES Auga dá Laxe de Gondomar puxémonos ao tema.

8ª xornada de liga

Achégase xa o final da liga, estamos a falta de tres encontros en primeira e segunda e unha en terceira, e esta foi unha mala xornada para os equipos do Xadrez Laroca, a pesar do cal seguimos mantendo aos nosos equipos en boas posicións nas diferentes clasificacións xerais.

Tres derrotas e unha soa vitoria foron o resultado final desta oitava xornada de liga.

  

UNIVERSITARIO DE OURENSE A	3.0 - 1.0	LAROCA-NIGRAN A
MOSEFESA & THE WAILERS	4.0 - 0.0	LAROCA-NIGRAN B
LAROCA-NIGRAN C	3.5 - 0.5	EXP CONCELLO DE PONTEVEDRA
VILLA DE BOUZAS B	4.0 - 0.0	IES AUGA DA LAXE - LAROCA