Crónica Agosto 2019 Dende A Illa a Bratislava

Intenso Agosto con presencia Laroqueira

Bratislava, A Illa de Arousa, Pontevedra, A Guarda, Cambados, Cubillos de Sil, Mondariz, Linares, Úbeda, Rianxo, Sants. 

Slovakia, Galicia, El Bierzo, Andalucía, Cataluña.

Campeonato de España de ajedrez por equipos 2017 (3)

Finalizado o Campionato de España de xadrez por equipos 2017, a selección de Galicia fixo un moi bo papel a pesar de rematar no posto sexto da clasificación final. Un só punto de diferenza na última partida contra a Comunidade Valenciana, impediu que terminásemos no segundo posto. Tras gañar a súa partida Rubén Fernández e facer táboas Angel Ferreño, ata o último momento e nunha partida de infarto de Paula Quintas, non se resolveu a contenda, que finalmente caíu ao lado da Selección Valenciana.

Unha proba do gran papel realizado pola nosa selección foron as dúas medallas logradas por Rubén (mellor segundo taboleiro do campionato con 5 vitorias de 5 partidas) e Martín (mellor primeiro taboleiro con 3 vitorias e unhas táboas de 4 partidas). info64

Campeonato de España de ajedrez por equipos 2017 (2)

Tras a segunda xornada do Campionato de España de xadrez por equipos sub-14, a selección de Galicia con catro puntos e 9,5 puntos conseguidos polos nosos participantes, sitúase no cuarto posto da clasificación xeral.

Dúas vitoria contundentes contra Cantabria e Castilla La Mancha e unha derrota pola mínima (1,5 - 2,5) contra a potente selección de Madrid e primeira da clasificación actual, é un resultado que nos fai abrigar esperanzas para a obtención dun bo resultado na clasificación final.

Nosa querida Ana tivo un só enfrontamento na segunda partida do día 22, contra a madrileña Bianca Andrade Sandoval. A pesar da diferenza de ELO (Bianca 1849 e Ana 1268) afrontou a partida con valentía, pero non puido superar a Bianca e na xogada 38 perdeu por xaque mate (Ver a partida aquí Bianca Andrade - Ana Fernández).

Na primeira xornada de mañá, Martín, Rubén, Marta e Paula enfrontaranse á selección de Asturias que ocupa o quinto posto cos mesmos catro puntos. Unha vitoria supoñería poñer á nosa selección nunha situación inmellorable para afrontar a recta final do campionato. 

Desexámoslles toda a forza e concentración aos nosos campións e campioas, e que gocen coas súas partidas.

Campeonato de España de ajedrez por equipos 2017

Ana Fernández Carneiro (Selección Galega)

Mañá día 22 de xuño comeza o Campionato de España de Xadrez por equipos en categoría infantil, que este ano se celebra en Padrón e que rematará o domingo día 25.

Nesta ocasión teremos a unha Laroqueira participando coa Selección Galega. Nosa querida Ana Fernández Carneiro defenderá a este equipo xunto con Martín Gómez Carreño, Rubén Fernández López, Angel Ferreño Sanmartin, Marta Quintas Fernández e Paula Quintas Fernández. Tres rapaces e tres rapazas que non dudamos que o darán todo para deixar a Galicia no máis alto posible na clasificación final.