Rematou o V Circuíto Galego de Xadrez Escolar. Este circuíto auspiciado e coordinado pola Federación Galega de Xadrez ten como obxectivo a promoción do xadrez entre as rapazas e rapaces galegos ata os 16 anos. Para os que non saibades de que vai, tratase dun sistema de competición similar o GP de motos ou a F1. Nesta edición eran 17 torneos, organizados por distintos clubs e entidades por todo o territorio galego. En cada torneo os 10 primeiros clasificados conseguían puntos (1º clasf. 12puntos, 2º clasf 10puntos, 3º clasf 8puntos, 4ºclasf 7puntos, ...) que se ían acumulando para ao rematar tódolos torneos ter unha clasificación xeral do campionato. Aparecer na clasificación final xa ten o seu mérito pois quere dicir que polo menos nun dos torneos conseguiches estar no "top-ten". Nesta edición a participación do club foi escasa pero brillante pois os catro xogadores que acudiron a algún torneo puntuaron e dous de eles estiveron no podio final. Cibrán en categoría sub-10 acadou o posto 20 da xeral. Lúa en categoría sub-14 rematou 15ª, Mireya en categoría sub-10 foi 5ª na xeral e subiu o podio como campioa feminina ao igual que Breixo en categoría sub-16 onde acadou a 3ª posición.
A cerimonia de clausura e a entrega de premios tivo lugar no recinto de EXPOURENSE o domingo 31 de outubro onde se celebrou o último dos 17 torneos, no que participaron Breixo e Lúa. Se queres saber mais pica nos seguintes enlaces:
Crónica do último torneo III Festival Internacional “Deporte-ciencia para a Xuventude”
Crónica do final do Circuíto
Clasificación final do V Circuíto Galego de Xadrez Escolar na páxina da FEGAXA
Información sobre o V Circuíto Galego de Xadrez Escolar na páxina da FEGAXA
No hay comentarios:
Publicar un comentario