1º de Maio de 2017, dá comezo o XII Circuíto Galego de Xadrez Promoción 2017 co II Torneo Vila de Noia, onde un ano máis volve haber participación do Club Xadrez Laroca.
Nesta ocasión son dóus laroqueiros e unha laroqueira os que participan na categoría sub-14.
Ana Fernández Carneiro no posto 13 do ránking inicial é a segunda nena despois da súa amiga Paula Quintas.
Mauro Sanromán Costas desde o posto 20 inicial en busca de mellorar este posto na clasificación final.
Nas catro partidas da mañá, Artai saíu invicto con 3,5 puntos, Ana gañou unha partida e fixo táboas en dúas conseguindo 2 puntos e Mauro cunha vitoria e unhas táboas acabou a mañá con 1,5 puntos.
Xa pola tarde e despois do avituallamiento correspondente os nosos campións volveron aos taboleiros.
Artai tras gañar as dúas primeiras partidas continuou invicto e na sétima enfrontouse na mesa un con brancas a Marcos Vázquez, loitando polo primeiro posto e con só medio punto de diferenza con Marcos. O noso campión unha vez máis demostrou que é capaz de aguantar a presión e conseguiu unha vitoria que o sitúa como campión do torneo sub-14 con 6,5 puntos .
Ana non tivo o mesmo acerto e despois de gañar a primeira e perder a segunda, enfrontouse na mesa sete con brancas a Brais Rei, tentando entrar entre os 10 primeiros, mellorar os 3 puntos e o noveno posto logrado na edición do ano pasado e obter os primeiros puntos para o Circuíto. Finalmente perdeu a última partida e terminou no posto 14 da clasificación xeral cun total de 3 puntos.
Mauro correu a mesma sorte que Ana nas dúas primeiras partidas da tarde e na sétima e última tocoulle enfrontarse a Andrés Vazquez na mesa dez con negras desde o posto 18 da clasificación xeral. Finalmente tras a derrota, terminou no posto 21 da xeral con 2,5 puntos.
Un bo torneo o destes mozos que ademais seguro que o pasaron fenomenal, porque diso trátase, de competir divertíndose.
E un bo torneo tiveron tamén os sufridos acompañantes, que non podemos esquecernos deles, Jose, Ramona, Ana e Xabier aguantaron todo o día consolando e animando cando acontecía a derrota e alegrándose con eles ante a vitoria.
Con este triunfo, Artai consegue os seus primeiros 12 puntos no Circuíto e un trofeo máis para a sua vitrina. Os demais laroqueiros, incluídos os que non xogaron, felices e satisfeitos despois dunha intensa xornada de xadrez.
O próximo torneo do Circuíto terémolo o vindeiro sábado día 6 de maio na Guarda, no que estaremos un nutrido grupo de laroqueiros e laroqueiras. XVII torneo de Xadrez Concello da Guarda
No hay comentarios:
Publicar un comentario