Un ano máis o xadrez estivo presente na Gala do deporte de Gondomar que se celebrou no auditorio Lois Tobío o sábado 7 de abril. Un ano máis dous deportistas do Club Xadrez Laroca foron premiados nesta gala.
En categoría feminina volve a repetir por tercer ano consecutivo Ana Fernández Carneiro, unha rapaza inquieta que atopou neste deporte a maneira de estar unhas horiñas sentada e sen actividade física pero con a gran actividade cerebral que precisa enfrontarse a multitude de posibilidades que ten cada un dos movementos no taboleiro. Está totalmente enganchada a este deporte e ano a ano consigue superarse, enfrontándose a todolos retos que se lle presentan. No ano 2017 proclamouse subcampeona de Galicia na categoría sub-14 o que a levou a formar parte da selección galega que participou no campionato de España por equipos.
En categoría masculina Artai Bringas Gómez, o terror dos taboleiros, recibíu por segundo ano consecutivo a medalla conmemorativa que o acredita como mellor axedrecista do concello de Gondomar. Xa son uns poucos os trofeos e medallas que atesoura na sua casa e o xadrez é unha parte moi importante na sua vida. Cos seus 14 anos xa ten a valentía de participar en importantes torneos donde se ten enfrontado e porlle as cousas complicadas a grandes maestros. Actualmente é o primeiro taboleiro no equipo Laroca C que participa na segunda división da liga galega de xadrez donde segue invicto despois de sete xornadas.
Dende o Club Xadrez Laroca saudamos que nesta gala se teña en conta a este gran deporte e animamos os mozos e mozas do concello de Gondomar a disfrutar dun deporte cheo de beneficios, que produce unha chea de satisfaccións ós que o practicamos e ademáis ten a ventaxe de ser "bueno, bonito y barato".
No hay comentarios:
Publicar un comentario