V Torneo Internacional Cidade de Pontevedra

Despois da gran actuación da nosa querida Mireya nos campionatos de España sub-16 e sub-18, queremos destacar o inicio do V Torneo Internacional Cidade de Pontevedra que se celebrará do 8 ao 14 de agosto e no que teremos participantes Laroqueiro que están destinados a dar grandes alegrías a este modesto club de xadrez.

Os valentes Artai Bringas Gomez e Mauro Sanromán Costas son dóus dos 170 participantes neste torneo, no que terán a oportunidade de enfrontarse a grandes mestres como Vladimir Burmakin, Daniil Yuffa e Aleksa Strikovic, todos eles por encima de 2500 de ELO FIDE. Un torneo no que o ELO medio é 1753, o que lles dará a oportunidade de enfrontarse a rivais da súa mesmo nivel e a outros de nivel moi superior, co que supón iso de experiencia e reto persoal. Un importante reto para estes dous valentes Laroqueiros que seguro que salvarán con éxito.

Para Artai este é o segundo ano que participa neste torneo (Enlace al resultado final de Artai IV torneo). O pasado ano conseguiu ascender do posto 107 que ocupada no ránking inicial ao 73 da clasificación final, despois de lograr 3 vitorias e 3 táboas cun total de 4,5 puntos de 9 posibles. Este ano parte do posto 78 e tentará mellorar a actuación do ano pasado, pero sobretodo serviralle para aprender moito e gozar co que máis lle gusta, xogar ao xadrez.

Mauro tamén participo o ano pasado neste torneo (Enlace al resultado final de Mauro IV torneo) conseguindo dúas vitorias e unhas táboas que o puxeron no posto 148, mellorando 11 postos sobre o seu ránking inicial. Este ano parte do posto 161 e o seu reto persoal segue sendo mellorar esta situación inicial.

Desde o Club Xadrez Laroca desexamos a Mauro e Artai moita sorte, moita concentración, que aprendan moito e, sobretodo, que o pasen moi ben.