Verán 2018 Laroqueiro

Comezamos esta crónica co noso torneo, IV Torneo de Xadrez Val Miñor Sub 2200 (21 y 22-07-2018), celebrado nas nosas instalación de Cotros, Nigrán. 

Nesta ocasión foron 43 os participantes neste torneo valedoiro para ELO FIDE que se xoga por sistema suizo a 6 roldas de 60+30.

Este ano e por segundo consecutivo, acadou o primeiro posto Brais Otero do Xadrez Mos, e quedaron en segundo e terceiro postos respectivamente Sergio López do Xadrez Laroca e Martín Pena do Xadrez Oroso.

Un ano mais o amigo Patricio conseguiu organizar un interesante torneo no que participaron diferentes clubs do entorno, sendo o Xadrez Mos o que desprazou máis xogadores. Contamos tamén con participación do país veciño dos clubs CX Porto e CX C. Portugues.

Artai e Mauro

Este ano non contamos no torneo Val Miñor con Artai Bringas Gómez que se atopaba participando no IV Open Internacional RGCC en Xixon, un torneo de alto nivel no que comezou no ranking inicial no posto 93 e rematou no posto 59 con 5 puntos de 9 posibles (3 vitorias e 4 taboas), destacando a vitoria contra o Maestro FIDE Dan Álvarez de Ron.

Unha vez máis o noso Artai voltou a demostras a progresión na que se atopa, logrando unha mellora de 70 puntos no seu ELO nun torneo infestado de xogadores con ELO superior a 2000.

Finalizada a súa participación en Xixón o seu próximo destino foi Pontevedra, donde xunto con Mauro Sanroman Costas participou no VI Torneo Internacional de Ajedrez Cidade de Pontevedra, onde rematou invicto no posto 13 con 3 vitorias e 6 táboas.

Mauro un ano máis volveu asumir o importante reto de este prestixioso torneo logrando rematar con 2,5 puntos e unha pequena mellora no seu ELO.

Pero o cu inquieto de Artai non lle deixa descansar e presentouse o 17 de agosto en Barcelona para disputar un novo torneo dos que a el lle gustan, XX Open de Sants, Hostafrancs i la Bordeta no grupo A, no que partía no ranking inicial no posto 356 de 422 participantes.

Artai - FM Daniel Hristodorescu
Rematou en táboas

Despois de 9 intensas partidas nas que todos os seus rivais superaban os 2000 de ELO, con tres incomparecencias do rival 1 vitoria e 4 táboas, conseguiu rematar no posto 95 da xeral con 6 puntos e un incremento de 75 no seu ELO que supón a superación da barreira dos 2000. Un gran torneo que supón o colofón a un verán intenso de xadrez e un trofeo máis para a sua vitrina o lograr o cuarto posto na clasificación de menos de 2100.

Mireya polo mundo 

Campeona de España sub-18

Tampouco contamos no torneo do Val Miñor con a participación de Mireya Represa Pérez, desprazada ós Pirineos para participar no 36 Obert Internacional d'Escacs d'Andorra donde conseguiu 4 puntos de 9 posibles (3 vitorias e 2 táboas).

Este torneo serviulle a Mireya de preparatorio para o Campeonato de España sub-18 celebrado en Salobreña do 30 de xullo o 4 de agosto. Como era de esperar Mireya non defraudou e voltou a conseguir revalidar o título de Campeona de España Femenina 2018, que xa lograra tamén o ano pasado. Parabens unha vez máis campiona, non temos moito máis que dicirche.



Con máis gañas de xadrez desprazouse a Linares para participar no Campeonato de España de Clubs na categoría de segunda formando parte do equipo Caja Granada, aportando 2 vitorias e 2 táboas ó equipo que rematou no posto 9º con 8 puntos.


Temos que facer unha mención especial o Club Deportivo Xadrez Ourense que con 11 puntos rematou segundo clasificado e consegue ascender á máxima categoría (Faro de Vigo)

Pero Mireya non podía quedarse aquí e decidiu coller un avión e trasladarse a Letonia para participar no European Youth Chess Campionship G-18 (Campeonato Europeo Feminino sub-18) e intentar mellorar o 15º posto logrado o ano pasado. No ecuador do campionato, na 4ª partida, consigue un importante triunfo contra a Ukranina Mariia Berdnyk (Mariia Berdnyk vs Mireya Represa) que lle daría a confianza suficiente para enfrontarse a española Mestra Fide Marta García Martin o día seguinte con a que conseguiu unhas meritoras táboas. Seguiu ata o final na mesma liña, con grandes partidas que remataron dandolle o 9º posto na clasificación final e conseguindo un dobre mérito, mellorar a clasificación do ano pasado e mellorar o seu ELO en mais de 90 puntos.

Destacamos o mesmo tempo o bo resultado obtido por a valenciana Marta García Martín que rematou no posto 8º cos mesmos puntos que Mireya  e a almeriense Ana Redondo Benavente no 24º con 5 puntos, que xunto con Mireya formaban parte da participación española neste campionato. 

Carlos en Lugo

Tamén en Lugo este ano houbo presencia laroqueira. Carlos Groba Represa participou no VI Torneo Sub 2200 celebrado na cidade da muralla no mes de xuño. Segundo cóntanos o propio Carlos non foron os millores días da súa vida xadrecista e logrou 1'5 puntos de 5 posibles. Hai días malos tamén no xadrez amigo Carlos, cando as cousas están por non saír non saen por moito que te empeñes.

A Illa de Arousa

1ª feminina

A Illa de Arousa foi outro dos lugares visitados por os nosos xedrecistas. En dous dos torneos organizados por o Club Xadrez Dorna de esta localidade participaron Jorge Carneiro Penedo e Ana Fernández Carneiro, o 15 de xullo no Circutito Xadréz na Rúa e o 5 de agosto no Aberto Festa do Mexillón 2018.

Na primeira ocasión Ana estivo a punto de conseguir o premio a primeira feminina, algo que conseguiu na segunda sumando un novo trofeo a súa vitrina.

Algo ten a Illa de Arousa para que ano tras ano repitamos e non é só o xadrez. A contorna é inmellorable e non digamos o seu arroz con cunchas e o resto de manxares gastronómicos. Tamén queremos destacar o ven que nos tratan os amigos do Club Xadrez Dorna os que dende este blog queremos dar un especial agradecemento por a sua labor en prol da promoción do xadrez e por o cariño que nos mostran sempre a estes dous laroqueiros.

Torneos na rúa no Baixo Miño

Na comarca estanse a organizar varios torneos na rúa. Neste empeño están principalmente os compañeiros do Xadrez Albatros, que este ano, ademáis do habitual Festa do Monte na Guarda, organizaron dous mais, o I Concello do Rosal (no que non participamos ninguén do Laroca por coincidir con o torneo Val Miñor) e o II Torneo de Goian, no que estivemos participando 7 laroqueiros e laroqueiras (Constantino Gonzalez Levices, Francisco Rego Lorenzo, Jorge Carneiro Penedo, Ana Fernández Carneiro, Laura González Ferreira, Jose Manuel Fernández Rodríguez e Osian Pombo González). Despois de 7 roldas a 15 minutos finish, rematamos con 5 puntos e nos postos 6,7, 8, 9 e 11 respectivamente Fran, Tino, Jorge, Ana e Laura; con 4 puntos e nos postos 20 e 31, Osian e Jose Manuel.

Unha alta participación tivemos tamén no tradicional XVIII Torneo de Xadrez Festa do Monte na Guarda. Este ano tiveron record de participación con 100 xogadores e xogadoras entre os que estábamos os Laroqueiros Sergio López Pérez, Rafaél Simoes González, Jorge Carneiro Penedo, Ricardo Fernández López, Jose Manuel Fernández Rodríguez e Diego Martín Abalde e a Laroqueira Ana Fernández Carneiro. Rematamos Rafael e Jorge con 5 puntos nos postos 15 e 18, Ana e Ricardo con 4'5 puntos nos postos 22 e 26, Sergio con 4 puntos no posto 28, Jose Manuel e Diego con 3 puntos nos postos 55 e 60. 

Poboa do Caramiñal 18 e 19 de agosto

Na Pobra do Caramiñal os días 18 e 19 de agosto, no III Torneo Pizza Movil Concello da Pobra, Ana Fernández Carneiro logrou un novo trofeo para a sua vitrina. Nun total de 5 partidas a un ritmo de xogo de 60+30, con un total de 3 vitorias, rematou no posto 20 da clasificación xeral e como primeira fémina. O principal obxetivo de Ana en este torneo era mellorar o seu ELO, pero a sorte dos emparellamentos fixo que só xogase contra un xogador con ELO o que non conseguiu vencer.

Mondariz do 16 o 23 de agosto

En Mondariz e no V Aberto Internacional de Ajedrez Hotel Cemar, participaron Carlos Groba Presa e Ricardo Fernández López. 

Entre o 16 e o 23 de agosto tiveron lugar as 9 roldas a un ritmo de xogo de 90+30.

Neste torneo valedoiro para ELO Ricardo conseguiu taboas en cinco partidas, incluida a que o enfrentou a Carlos, contra rivais a priori moi superiores a él que lle permiten mellorar de unha forma importante o seu nivel de ELO. A máis de estas táboas conseguiu duas vitorias máis que o situaron no posto 45 da clasificación xeral con 4'5 puntos.

Por a sua parte Carlos, que comezou perdendo contra o Mestre Internacional Arian González tivo unha pequena merma a pesar dos 3'5 puntos conseguidos en oito partidas por non poder xogar a última por problemas de axenda.

Aqui temos a dous xadrecistas novos laroqueiros que están destinados a dar grandes alegrías a este club. Carlos, que despois de un parón de xogo a nivel profesional, volve a engancharse con forza e Ricardo, que se enganchou a esto do xadrez fai un par de aniños e ós seus catorce anos está tendo unha progresión incrible.

Circuito de Promoción

Dentro dos torneos de promoción o Laroqueiro que participou en máis foi Ricardo Fernández López na categoría sub-14.

Conseguiu puntuar para a clasificación xeral en todos menos un, sendo nestes momentos 3º nesta clasificación con 42 puntos a falta de sete torneos por celebrar. Ricardo ten un record , é o que mais veces quedou 6º nestes torneos, con un total de 5.

Despois do Dani da Rocha os seguintes torneo de este circuito foron os de Vilagarcía XII Open McDonalds, Cambados o XXXII Torneo Infantil del Albariño, Rianxo X Torneo Concello de Rianxo. Neste último conseguiu superar ese fatídico sexto posto e subir o podium como quinto da clasificación xeral.

O seguinte torneo de este circuito celebrarase o 1 de setembro en Mos. O III Torneo Concello de Mos será unha nova oportunidade que terá Ricardo para seguir progresando.

Rianxo

Ademáis do circuito de promoción no que participou Ricardo, o mesmo día, cinco laroqueiros e unha laroqueira inscribíronse no X Torneo Internacional Concello de Rianxo, un torneo con unha alta participación, a un ritmo de xogo de 15+3 e valedoiro para ELO rápido. Francisco Rego Lorenzo partía no posto 45 do ranking inicial e rematou o torneo no posto 61 con un total de 5 puntos. Jorge Carneiro Penedo dende o posto 100 conseguiu subir o 94 con un total de 4 puntos e mellorar o seu ELO de rápidas en 15. Ana Fernández Carneiro  conseguiu 4 vitorias que a auparon o posto 96 partindo dende o 110. Mauro Sanroman Costas tamén coseguíu melloras a súa posición inicial dende o posto 114 ó 105 con un total de 3'5 puntos e mellorando o seu ELO de rápidas en máis de 50 puntos. Jose Manuel Fernández Rodríguez comezou no posto 134 e rematou no 123 con 3 puntos. Osian Pombo González posto inicial 141 e final 135 con 2 puntos.

Comida do Club

E o día 1 de xullo, como cada ano, celebramos a comida do club, donde gozamos de unha xornada con un bo churrasco recién feitiño, moita empanada, viño da casa e refrescos, chupitos, café de pota e rosquillas Cristaleiro, ademais de xadrez e partidas de cartas.