19 feb 2017

4ª xornada de liga 2017



Este sábado 18 de febreiro o Club Xadrez Laroca afrontamos a cuarta xornada da liga Galega de Xadrez e nesta xornada seguimos mantendo as espadas no alto. Nesta ocasión conseguimos 4 vitoria e 1 derrotas, o que fixo desta unha xornada excepcional.

 Primeira división grupo C:



O noso representante, o LAROCA-A, nesta categoría logrou a súa 2ª vitoria no seu enfrontamento contra o equipo de ESCOLA DEPORTIVA UNIVERSITARIA DE VIGO. Nesta ocasión sumamos 3 puntos, conseguindo con este resultado manternos no centro da táboa clasificatoria. Segio, Fran e Avelino, ascendido do Laroca-C foron os responsables dos 3 puntos conseguidos polo equipo.



Segunda división grupo E:

O LAROCA-B, nos nosos locais de Nigrán, enfrontouse ao CXF - MESON DERBY   e a pesar de enfrontarse a un rival a priori máis potente logrou 1 punto e continúa fóra dos postos de descenso.


O LAROCA-C, desprazouse a Tui para enfrontarse a un rival directo, o CHIRINGO CONTOS TUI , onde Artai, Chema, Guillermo e Jorge lograron unha excelente vitoria con 3 puntos que os sitúan no posto 5-6 empatado co CSF - PUB MUSARAÑA cun total de 8,5 puntos.

Terceira división grupo I:



IES AUGA DÁ LAXE-LAROCA, volveu a Mos para enfrontarse nesta ocasión ao CLUB XADREZ MOS E, co obxectivo de seguir mantendo a 1ª posición que ocupaba na terceira xornada. Conseguido o obxectivo e cunha vitoria por 4-0, os nosos campións manteñen esa 1ª posición. Nesta ocasión tocoulles defender os taboleiros do equipo a Pablo, Ana, Hugo e Osián e fixérono de 10.

  





MALLON-LAROCA, desde a 4ª posición na clasificación na terceira xornada, recibiu nos locais de Nigrán ao EXP - CSCR BEADE. Un resultado final de 4-0 sitúa ao noso equipo no terceiro posto a 1,5 do segundo e cada vez máis preto do ascenso a segunda división.






Esta foi a mellor xornada ata o momento para os Laroqueiros. O xadrez do Val Miñor continuou proporcionándonos alegrías conseguindo uns resultados fabulosos.


A próxima semana descansamos pola celebración dos Campionatos Galegos Entroido 2017 (Enlace) nos que tamén estaremos presentes coa participación de Artai Bringas, Ana Fernández Carneiro  e Hugo Rego na categoría de Sub-14, Mireya Represa en Sub-16 e David Represa en Sub-10. Desexamos desde estas páxinas a estes Laroqueiros que teñas a forza e sorte necesarias para conseguir grandes resultados e sobretodo que sexan capaces de gozar con este gran deporte.



No hay comentarios:

Publicar un comentario