XII Torneo de Xadrez Dani da Rocha Prol

 O próximo 14 de xuño terá lugar no pavillón municipal de Panxón a XII edición do Torneo de Xadrez Dani Da Rocha Prol correspondente ao XVIII Circuito Galego Xadrez Promoción da Federación Galega de Xadrez.

Desde o Club de Xadrez Laroca, coa axuda de diversos patrocinadores, volvemos a organizar en Nigrán esta festa do xadrez para a xuventude na memoria de Dani, o noso compañeiro e amigo.

Toda a mocidade nada no 2005 e anos posteriores está convidada a pasar un bo día a carón do mar, botando unhas partidas con rapaces e rapazas que virán dende toda a xeografía galega ate o Pavillón de Panxón a celebrar con nós esta festa do xadrez!

Tódol@s los participantes que rematen o torneo terán trofeo e participarán no sorteo dunha espectacular lista de regalos.

CUPO CUBERTO 

INSCRICIÓN PECHADA

Moitas grazas pola vosa participación!

Se non chegaches a tempo, escríbenos un e-mail ao correo info@xadrezlaroca.gal

Consulta as bases do torneo (facer click para ampliar)

sub-8  sub-10  sub-12  sub-14  sub-20

Local de Xogo

Pavillón polideportivo de Nigrán

Rúa Gondomar, 2, 36340 Nigrán, Pontevedra

Mención especial ao Torneo de Xadrez Dani Da Rocha Prol na Gala do Deporte 2025

 O sábado 5 de abril o Concello de Nigrán, organizou a Gala do Deporte 2025 no Auditorio Municipal.

Nesta edición concedeulle unha mención especial ao Torneo de Xadrez Dani Da Rocha Prol. 

Deste xeito o Concello agradece que grazas a este evento deportivo, Nigrán sexa un referente na promoción do xadrez para a infancia e a mocidade do noroeste peninsular. 

Ao mesmo tempo, esta distinción,  recoñece o esforzo a tódol@s que dun xeito ou outro colaboramos na organización do Torneo de Xadrez Dani Da Rocha Prol, ao longo dos seus 14 anos de traxectoria.

O Club de Xadrez Laroca, como máximo responsable da organización do evento, fomos convidados a asistir á Gala do Deporte 2025 para recoller está distinción. 

E fixémolo con moito orgullo, no nome de tódol@s que ao longo destes anos tratamos que cada mes de xuño, máis de 200 xadrecistas menores de 20 anos desfruten dunha agradable xornada de xadrez ao carón dunha das praias máis bonitas do mundo.

Moitos parabéns a toda a familia Laroqueira‼♟

♟‼Dani vai por ti‼♟