Buscar en este blog ...

12 mar. 2017

Liga Galega 6ª xornada


Despois dunha tarde tensa para os nosos equipos finalizou a 6ª xornada de liga, dunha maneira diferente a que ven sendo habitual. Este sábado 11 de marzo non logramos ningunha vitoria, a persar do cal tres empates e unha derrota singuen deixando aos nosos equipos nunha situación inmellorable para afrontar a segunda metade da liga.

Ao IES Auga dá Laxe de terceira división tocoulle nesta xornada descansar, a todos menos a Ana Fernández Carneiro e Jose Manuel Fernández, que xogaron co Laroca-C en segunda división.

Estes foron os resultados fináis dos nosos equipos:

VILLA DE BOUZAS 2.0 - 2.0 LAROCA-NIGRAN A

LAROCA-NIGRAN B

1.0 - 3.0

XADREZ ALBATROS A

CLUB XADREZ MOS B

2.0 - 2.0

LAROCA-NIGRAN C

MALLON - LAROCA

2.0 - 2.0

CLUB XADREZ MOS D






Queremos destacar a emocionante partida disputada pola nosa campioa Mireya, na que puxo contra as cordas a todo un Gran Mestre. Só un pequeno descoido fixo que todo se fose ao traste, pero pelexou a vitoria cun xogo maxistral. Finalmente os erros en xadrez páganse e non conseguiu a xesta que perseguiu ata o final da partida.

Doutra banda, tamén destacar a Jose Manuel e Ana, que xogaron por primeira vez na segunda división reforzando o Laroca-C, minguado pola enfermidade de Artai e a imposibilidade de xogar de Iago, Lino e Guillermo. Non conseguiron a vitoria pero fixeron fronte aos seus adversarios. As vitorias de Chema e Jorge conseguiron o empate final que os afianza na quinta posición da xeral.


O Laroca-B non foi capaz de dobregar ao sempre difícil Albatros-A de A Garda, equipo con serias posibilidades de ascender a primeira división. De todos os xeitos Dani, no taboleiro número 1, conseguiu unha importante vitoria que mantén a este equipo nos postos medios da clasificación xeral e a 5 puntos dos postos de descenso.





Tamén o Mallón-Laroca atopábase minguado nos seus efectivos e tivo que botar man de Iago e Adrián, do equipo de cuarta división, que non conseguiron gañar. As vitorias de Juan e Tino foron definitivas para lograr o empate que os mantén con opcións ao ascenso.





As xornadas da liga van pasando e os nosos equipos seguen cubrindo os obxectivos que se marcaron ao principio. A cinco xornadas do final en primeira e segunda división, e a tres en terceira, os Laroqueiros  e Laroqueiras seguen mantendo todas as opcións.

Doutra banda adiantamos que este ano as xornadas de liga de cuarta celebraranse no Val Miñor e que o noso club será o encargado de organizalo. Máis adiante trasladaremos toda a información sobre esta xornada de xadrez que dará oportunidade de demostrar as súas habilidades aos máis novos e que, como non pode ser doutra forma, terá representación tamén do Laroca.

No hay comentarios:

Publicar un comentario